Argibide baliagarriak
LANTOKI PARTEKATUA
Kintoatik pasatuz, Donibane Garazitik Iruñeara doan ardatza garatzeko nahiarekin, 13 partzuer bildu dira Kintoan Barna deitu mugaz gaindiko Poctefa europear proiektuaren baitan.
Iruñeako Turismo Bulegoa / Euskal Herriko Turismo Bulegoa / Esteribarko Herriko Etxea / Zubiriko Kontseilua / Larrasoañako Kontseilua / Eugiko Kontseilua / Baigorriko Ibarreko Sindikata / Argintzuko Artzain Taldea / Egurzako Artzain Taldea / Urepeleko Herriko Etxea / Aldudeko Herriko Etxea / Baigorriko Herriko Etxea.
Ibarrek pairatzen duten biztanleriaren apaltzea gelditzea da helburu nagusia. Horretarako eskualdeko erakartasuna garatu nahi da, ibarrak berpiztuz eta hori baliabide kultural, sozial eta ekonomikoak balorizatuz biztanleentzat. Herri bakotxak eremanen duen proiektuak garapen honi erantzunen dako, adibidez, Nafarroako historiari buruzko zentro bat sortuz, metageien ondarea ezgutzera utziz, ... Bestalde, lekuko produktu eta mozkinen sustatzea eta naturako kirolen garatzeko helburuak daude. Iruña bezalako hiri-guneen parte hartzearekin, landa eta hiri munduaren arteko trukaketak egitasmoari izaera berri baten ematea ahalbideratuko du.
Kintoan Barna proiektu osoaren kostua 2 823 145 €-koa da, 65% Fond Européen de Développement Régional (FEDER) fondo europearretik heldu delarik.
Gaur egun oraindik, Euskal Herriko historiaren zati handi bat itzalean geratzen da. Ez da pentsatu behar erruduna ezagutza eskasa denik: jakintzaren hedapenak ere zailtasunak ezagutzen ditu. Jakintza honen transmisioa garatua eta publiko zabal bai adaptatua izan behar da.
Nahi honekin du Baigorriko herriak Mehaka zentroa eraiki nahi. Nafarroako Erresuman integratua izan denetik (1189) Frantses Errepublikaren baitako eskualde izan arte (1789), Baxenabarreren historia kondatuko duen erakusketari esker, hemengo historiaren oinarri batzuk eskainiko dira.
Baxenabarre eta Euskal Herriko biztanleei bideratua, baita hunarat etorri diren bisitariei ere, erakusketa ahal bezain erakargarri, ludiko eta irakurterrexa nahi genizueke eskaini.
Sartzetik bisitaria espazio eta denboran kokatuko du, hunek Historiaren haria gal ez dezan. Erakusketaren mamia hiru zatitan banatua izanen da: 1. Erdi Aroa, Baxenabarre Nafarroako Erresumaren eskualde bat delarik (1189-1523), 2. Aro Modernoa, Baxenabarre erresuma bat delarik (1523-1789), 3. Frantses Iraultza eta bere ondorio hurbilak (1789).
Idekidura 2021eko azaroan pentsatua da.
Dohainen kutxa
Nahi duzularik erabil dezazun eta denendako egina den urririzko gunea da.
Edonork erabiltzen ahal luke, helburua litaike kontsumo alternatibo eta partekagarri berri baten bultzatzea. Gastatzeari aurka egitea xedearekin, bigarren bizi bat eman zuen objektueri toki hortan utziz.
Hemen, nahi duzuen artikulua uzten ahal duzue edo hartzen ahal duzue. Ez da zerbaiten uztea behartua, nahi bada zerbait hartu, serbitsa lasaiki!
Dohainen kutxa aldiz ez da ondarkinendako tokia, estatu onean diren objektuak baizik utzi behar dira, kontsumo haundiaren alternatiba gisa.
Informatika klaseak badira Baigorrin, ostiraletan, 14:30etarik 17ak arte, 15 egun guziz, lehengo herriko etxean.
Xehetasunendako, MEYERHOFF Paul jaunarekin harremanetan sartzen ahal da, ondoko helbiderat mezu elektronikoa idatziz :
Esta dirección de correo electrónico está protegida contra spambots. Usted necesita tener Javascript activado para poder verla.
Plantan ezarria izan den webgunean ikusten ahal da :
http://baigorryinformatique.jimdo.com/
Egutegia webgunean da, INFO orrialdean.
Puntu gorria : Klaseak Baigorrin.
Webgunearen abiatzea
BAIGORRIKO Herriko Etxeak plazer haundirekin jakinarazten dauzu herriaren webgune ofizialaren sortzea. Webgune hortan, luza gabe, Baigorrin ontsa eta hobeki bizitzeko baliagarri izanen zauzkizun informazioak atxemanen dituzu.
Lehenik, Herriko Etxeko komisioak kudeatzen dituzten hautetsien ezagutza eginen duzu. Herriko kontseiluan hartu delibero guzien berri ukanen duzu, bai eta egiten diren eta heldu diren proiektuen berri ere. Herriaren barneko urbanismoari edo zerbitzueri buruzko galde batendako, jakinen duzu nori aipa.
Berdin da eskola bizi, diru laguntza galde, herriko salen erabiltze, hilerrien kudeaketa edo genealogia aferendako, ahantzi gabe agenda, horrek urte guzian Baigorrin iraganen diren gertakarien eta animazioen berri emanen baitauzu.
Erregularki osatuko ditugun sail anitz ukanen dituzu eskura. Sail horiek maila soziala, ekonomia, kultura, kirolak eta aktibitateak, ingurumena, elkarteak, haurren eta gazteen alorrak aipatuko dituzte.
Lan eginen dugu webgune hori ahal bezain osoa izan dadin. Horren hobetzerat laguntzeko, ukaiten ahal dituzuen ideien aipatzeko ez duda. Laster arte.
Jean Michel COSCARAT, Baigorriko auzapeza